Af hverju að velja Birkihof?
Birkihof er staðsett í fallegu og friðsælu umhverfi þar sem ríkir mikið næði fyrir þig og þinn hóp. Hér færðu rými til að hægja á þér, tengjast og skapa dýpri upplifun í faðmi náttúrunnar.
Húsið rúmar allt að 18 manns í gistingu og er skipulagt þannig að það skapar bæði samveru og næði. Á neðri hæð eru fjögur queen-size rúm og á efri hæð eru tvö tveggja manna herbergi með einbreiðum rúmum og tvö þriggja manna herbergi, einnig með einbreiðum rúmum. Að auki er starfsmannahús þar sem 2–3 geta gist.
Húsið er byggt upp eins og tveir speglaðir bústaðir með tveimur eldhúsum, sem gerir hópum kleift að dreifa sér og hafa sitt rými. Á staðnum eru tvö baðherbergi með salerni og vaski, en sturtur eru utandyra við sundlaugarsvæðið í upphituðu rými.
Miðrýmið er hjarta hússins og býður upp á borð og sæti fyrir 16–18 manns. Þar er einnig hægt að færa til húsgögn og nýta rýmið fyrir jóga, öndunaræfingar eða aðrar athafnir. Einnig er hægt að skipta hópnum upp og borða í sitthvorum hluta hússins.
Útiaðstaðan er stór hluti af upplifuninni. Þar er sundlaug, heitur pottur og sauna, auk flotbúnaðar sem gestir geta nýtt sér til slökunar. Sundlaugin er hituð eftir óskum, yfirleitt í kringum 35–36 gráður.
Við mælum með að retreat hópar séu allt að 16 manns til að tryggja þægindi og góða upplifun fyrir alla. Ef við sjáum um matinn, dveljum við sjálf í starfsmannahúsinu og það er þá ekki leigt með.
Lágmarksleiga fyrir retreat hópa er 3 nætur.
Retreat-leiðtogar velja Birkihof vegna einfaldleikans, stuðningsins og þeirrar dýptar sem upplifunin býður upp á.
Þegar þú kemur til okkar hefur þú aðgang að öllu svæðinu, sem skapar næði og rými til að halda retreat með fókus og án truflana. Þetta gerir þér kleift að skapa öruggt og nærandi rými fyrir þína þátttakendur.
Birkihof hentar sérstaklega vel fyrir litla og nána hópa þar sem tenging, dýpt og raunveruleg upplifun fá að þróast á eðlilegan hátt.
Umhverfið og andrúmsloftið spila stórt hlutverk — náttúran, róin og jarðtengingin styðja við upplifun sem er bæði afslappandi og djúp.
Sem fjölskyldurekið retreat rými leggjum við mikla áherslu á persónulega þjónustu og stuðning. Við sjáum um praktíska þætti eins og mat og skipulag, þannig að þú getur einbeitt þér að því að halda rými og styðja þína þátttakendur.
Í Birkihofi ertu ekki bara að leigja aðstöðu — þú ert að stíga inn í rými sem styður bæði þig og hópinn þinn á dýpri hátt.